پنجاب اسمبلی کی سکیورٹی سخت کرنے کا فیصلہ

11-17-2025

(لاہور نیوز) پنجاب اسمبلی کی سکیورٹی کو مزید مضبوط بنانے کا فیصلہ کر لیا گیا۔

اس سلسلے میں بلٹ پروف گیٹس اور سکینگ مشینوں کی خریداری کا عمل شروع کر دیا گیا، پنجاب اسمبلی میں 6 عدد سکیننگ مشینیں اور 3 عدد بلٹ پروف گیٹس خریدے جائیں گے جن کی خریداری کیلئے 13 لاکھ روپے کی لاگت آنے کا تخمینہ لگایا گیا ہے۔ اس سامان کی خریداری کیلئے ٹینڈر طلب کر لئے گئے ہیں تاکہ جلد از جلد سکیورٹی میں اضافہ کیا جا سکے۔ اس فیصلے کے تحت، بلٹ پروف گیٹس اور سکینگ مشینوں کی خریداری سے پنجاب اسمبلی میں داخلی اور خارجی سکیورٹی کو مضبوط بنایا جائے گا تاکہ کسی بھی ممکنہ دہشت گردی یا سکیورٹی کے خطرات کا بروقت اور موثر مقابلہ کیا جا سکے۔