لاہور: جعلی دودھ تیار کرنیوالا یونٹ پکڑا گیا، 400 لیٹر دودھ تلف

11-16-2025

(لاہور نیوز) لاہور کے نواحی علاقے نتھوکی میں جعلی دودھ تیار کرنے والا یونٹ پکڑا گیا۔

400 لٹر دودھ تلف، سپلائر گاڑی، کین، 32 بوریاں پاوڈر اور 55خالی بوریاں ضبط کر لیں، جعلسازی کا مکروہ دھندہ کرنے پر ایک ملزم کو موقع سے گرفتار کیا گیا ہے۔ حکام نے بتایا کہ رہائشی علاقے میں چھپ کر گھر میں جعلی دودھ تیار کرنا والا گروہ رنگے ہاتھوں پکڑا ہے، ڈی جی فوڈ اتھارٹی کے مطابق تیار دودھ کو رات گئے اور علی الصبح دکانوں پر سپلائی کیا جانا تھا۔ پاوڈر، کیمکلز، ناقص گھی اور جعلی گاڑھا محلول موقع سے برآمد کر لیا گیا جبکہ پاوڈر، پانی، گھی سے جعلی دودھ تیار کرنے والے ملزم کو رنگے ہاتھوں پکڑ لیا گیا جبکہ موقع پر کیے گئے ٹیسٹ ناقص پائے جانے پر جعلی دودھ تلف کیا گیا۔ انہوں نے مزید بتایا کہ جعلی دودھ میں استعمال ہونے والے اجزا انسانی صحت کیلئے انتہائی مضر ثابت ہوتے ہیں،  طویل ریکی کے بعد نواحی علاقے میں موجود گھر میں چھپ کر جعلی دودھ بنانے والے گروہ کو پکڑا گیا ہے۔