پنجاب حکومت کی دھمکی کام کر گئی، 27 ملوں نے کرشنگ شروع کر دی

11-16-2025

(ویب ڈیسک) کین کمشنر پنجاب نے کرشنگ شروع نہ کرنے والی ملوں کے خلاف آج سے ایکشن شروع کرنے کا اعلان کر دیا، 27 ملوں نے کرشنگ شروع کر دی۔

 حکومت پنجاب  نے کرشنگ شروع کرنے کیلئے 15 نومبر کی ڈیڈ لائن دی تھی۔ کین کمشنر پنجاب کا بتانا ہے کہ پنجاب کی 27 شوگر ملوں  نے کرشنگ شروع کر دی ہے جبکہ باقی 14 ملوں کو آج چیک کر کے کارروائی شروع کریں گے۔ ان کا کہنا ہے کہ آج سے کرشنگ شروع نہ کرنے والی شوگر ملز کے خلاف ایکشن پلان تیار ہے اور ان کو 10 لاکھ روپے یومیہ جرمانہ ہو گا۔ کین کمشنر کے مطابق کرشنگ سیزن میں مانیٹرنگ کیلئے ٹیمیں تشکیل دے دی ہیں، کسانوں کو بروقت گنے کی ادائیگی بھی یقینی بنائیں گے جب کہ بازار میں نئی چینی سپلائی آنے سے قیمت بھی کم ہو گی۔ ادھر کسان اتحاد کے چیئرمین خالد باٹھ کا کہنا ہے کہ مل مالکان کرشنگ میں تاخیر کر کے گنا سستے داموں خریدنے کی کوشش کر رہے ہیں۔