حج واجبات کی دوسری قسط جمع کرانے کا کل آخری دن

11-14-2025

(لاہور نیوز) وزارت مذہبی امور نے حج کے عازمین کرام کو آگاہ کیا ہے کہ حج واجبات کی دوسری قسط جمع کرانے کی آخری تاریخ کل 15 نومبر ہے۔

ترجمان مذہبی امور کے مطابق اس تاریخ تک سرکاری عازمین کرام کو اپنے حج واجبات کی دوسری قسط لازمی جمع کروا کر کمپیوٹرائزڈ بینک رسید حاصل کرنا ہو گی تاکہ ان کی درخواستیں منسوخ نہ ہوں۔ اس حوالے سے ترجمان  نے مزید بتایا کہ 15 نومبر بروز ہفتہ نامزد بینک حج واجبات کی وصولی کیلئے کھلے رہیں گے، عازمین کو ہدایت کی گئی ہے کہ وہ اپنے واجبات بروقت جمع کروا کر رسید حاصل کریں تاکہ حج کی روانگی کے عمل میں کسی قسم کی رکاوٹ پیش نہ آئے۔ وزارت مذہبی امور  نے عازمین سے درخواست کی ہے کہ وہ اپنی درخواست کی منسوخی سے بچنے کیلئے اس آخری تاریخ تک واجبات کی ادائیگی کو یقینی بنائیں۔