موجودہ سیکورٹی صورتحال کے پیش نظر پنجاب بھر میں پولیس ہائی الرٹ

11-12-2025

(لاہور نیوز) موجودہ سکیورٹی صورتحال کے باعث عدالتوں سمیت صوبہ بھر میں پولیس کو ہائی الرٹ کر دیا گیا۔

قانون نافذ کرنے والوں اداروں کی جانب سے کچہریوں، عدالتوں، ججز کے رہائشی علاقوں کی سکیورٹی بڑھا دی گئی ،سی ٹی ڈی کی زیر نگرانی اہم روٹس، مقامات پر کومبنگ اینڈ سرچ آپریشنز تیزی سے جاری ہے۔ بین الصوبائی سرحدی پولیس چوکیوں، داخلی و خارجی راستوں پر چیکنگ مزید سخت  کر دی۔ عدالتی کمپلیکس، چینی پراجیکٹ و رہائشگاہوں کا سکیورٹی آڈٹ مکمل کر لیا گیا ہے۔  آئی جی پنجاب ڈاکٹر عثمان انور  نے کہا جوڈیشل کمپلیکس کی سکیورٹی کا ازسرنو جائزہ لیا گیا ہے جبکہ ججز، بارز، متعلقہ اداروں کیلئے فول پروف سکیورٹی پلان تیار کیا گیا تاہم سیف سٹی کیمروں کی نگرانی اور کوریج کا دائرہ کار تمام جوڈیشل کمپلیکس تک بڑھایا گیا ہے۔