سٹاک مارکیٹ میں اُتار چڑھاؤ، ہنڈرڈ انڈیکس مثبت زون میں بند ہوا

11-12-2025

(لاہور نیوز) پاکستان سٹاک مارکیٹ میں آج کاروبار کا ملا جلا رجحان رہا تاہم کاروباری روز کا اختتام مثبت زون میں ہوا۔

کاروباری ہفتے کے تیسرے روز ٹریڈنگ کے دوران سٹاک ایکسچینج میں زبردست تیزی دیکھنے میں آئی، 1500 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 59 ہزار 445 پوائنٹس کی سطح پر پہنچ گیا۔ کاروباری روز کے اختتام پر ہنڈرڈ انڈیکس 313 پوائنٹس کے اضافے کیساتھ ایک لاکھ 58 ہزار 183 پوائنٹس کی سطح پر بند ہوا، واضح رہے کہ گزشتہ کاروباری روز کے اختتام پر ہنڈرڈ انڈیکس 3667 پوائنٹس کی کمی کیساتھ ایک لاکھ 57 ہزار 870 پوائنٹس کی سطح پر بند ہوا تھا۔