پاک سعودی اکنامک کوآپریشن فریم ورک کیلئے سٹیئرنگ کمیٹی تشکیل،مریم اورنگزیب کنوینئر نامزد

11-12-2025

(لاہور نیوز) پاک سعودیہ اکنامک کوآپریشن میں اہم پیش رفت، پنجاب حکومت نے سعودی- پاکستان اکنامک کوآپریشن فریم ورک کیلئے سٹیئرنگ کمیٹی تشکیل دے دی۔

کمیٹی کا مقصد سعودی عرب کے ساتھ سرمایہ کاری فریم ورک پر مؤثر ہم آہنگی یقینی بنانا ہے۔ صوبائی سٹیئرنگ کمیٹی وفاقی وزارتوں اور ایس آئی ایف سی سے کوآرڈینیشن کرے گی۔           سینئر وزیر پنجاب مریم اورنگ زیب کمیٹی کے کنوینئرہوں گی۔ چیئرمین پی اینڈ ڈی ڈاکٹر نعیم رؤف، ایڈیشنل چیف سیکرٹری، سینئر ممبر بورڈ آف ریونیو بھی کمیٹی میں شامل ہیں۔ سیکرٹری انڈسٹریز کمیٹی کے سیکرٹری اور ممبر دونوں کے طور پر نامزد کیے گئے ہیں۔           کمیٹی صوبائی سیکٹرل ان پٹس اور ترجیحی منصوبوں کی تیاری کرے گی، سرمایہ کاری کیلئے “ریڈی پروپوزلز” اور پراجیکٹ پائپ لائن تیار کی جائے گی ۔ کمیٹی سعودی عرب کے ساتھ سرمایہ کاری سیشنز کیلئے صوبائی ترجیحات فائنل کرے گی۔           بی ٹو بی انٹریکشنز اور انویسٹر ریڈینس کو فروغ دیا جائے گا۔ کمیٹی حکومت پنجاب کو اپنے فیصلوں سے آگاہ رکھے گی ۔ کمیٹی سعودی عرب کے ساتھ “ایرلی ہارویسٹ اپرچونیٹیز” سے فائدہ اٹھانے کیلئے اقدامات کرے گی۔