ضلعی عدالتوں کے 15 سول ججز کے تقرر و تبادلے، نوٹیفکیشن جاری

11-11-2025

(لاہور نیوز) لاہور ہائیکورٹ نے چیف جسٹس عالیہ نیلم کی منظوری کے بعد ضلعی عدالتوں میں تعینات 15 سول ججز کے تقرر اور تبادلوں کا نوٹیفکیشن جاری کر دیا،۔

رجسٹرار لاہور ہائیکورٹ کی جانب سے تقرر و تبادوں کا نوٹیفکیشن جاری کر دیا گیا ہے جس کے مطابق سول جج طاہر محمود انصاری کا خانیوال سے قصور ،رضوان حنیف شیخ کا بہاولنگر سے سیالکوٹ ،محمد فاروق احمد کا رحیم یار خان سے کھاریاں جبکہ تابندہ بتول کاظمی کا ننکانہ سے جہلم تبادلہ کیا گیا ہے۔ سول جج محمد عمران یوسف کا ننکانہ سے جہلم ، تسمیہ اختر کا جھنگ سے قصور ،صوبیہ صادق چیمہ کا خانیوال سے ٹیکسلا، نصیر رشید کا نارووال سے ٹیکسلا، کاشف رشید خان کا فیصل آباد سے مری تبادلہ کیاگیا ہے۔ اسی طرح سول جج فہد خان کا فتح جنگ سے ہارون آباد، خرم سہیل محمود کا ہارون آباد سے شاہ کوٹ، کامران خالد کا چشتیاں سے فتح جنگ، سرمد سلیم کا جہلم اور محمد افضل کا جھنگ سے چشتیاں تبادلہ کر دیا گیا ہے۔