سرکاری ہسپتالوں میں انسولین 70/30 کی شدید قلت سے مریض پریشان

11-11-2025

(لاہور نیوز)پنجاب کے سرکاری ٹیچنگ ہسپتالوں میں انسولین 70/30 کی شدید قلت پیدا ہو گئی، جس کے باعث شوگر کے مریض شدید پریشانی میں مبتلا ہو گئے ہیں۔

ادویات کی کمی کے باعث سیکڑوں مریض روزانہ علاج سے محروم ہو رہے ہیں جبکہ انسولین کی عدم دستیابی کا مسئلہ مزید سنگین صورت اختیار کر گیا ہے۔ محکمہ سپیشلائزڈ ہیلتھ انسولین کی قلت سے غافل دکھائی دیتا ہے جبکہ ہسپتال انتظامیہ بھی مریضوں کو انسولین فراہم کرنے میں ناکام ہے۔ مریضوں اور ان کے لواحقین نے حکومت سے فوری نوٹس لینے اور انسولین 70/30 کی فراہمی یقینی بنانے کا مطالبہ کیا ہے۔