پنجاب میں فضائی آلودگی کا وبال برقرار، لاہور کا آج تیسرا نمبر

11-10-2025

(لاہور نیوز) پنجاب بھر میں فضائی آلودگی کا وبال برقرار ہے، آلودگی کے اعتبار سے لاہور پاکستان میں تیسرے نمبر پر آگیا، شہر میں سموگ کی اوسط شرح 394 تک جا پہنچی۔

517 ایئر کوالٹی انڈیکس کے ساتھ گوجرانوالہ پہلے نمبر پر آگیا۔ لاہور میں ڈی ایچ اے کے علاقے کا ایئر کوالٹی انڈیکس 759 ریکارڈ کیا گیا۔ برکی روڈ کے علاقے کا ایئر کوالٹی انڈیکس661 جبکہ ایف سی کالج کے اطراف میں اے کیو آئی 611 ریکارڈ ہوا ہے۔ ماہرین ماحولیات کا کہنا ہے کہ مسلسل بڑھتی آلودگی شہریوں کے لئے شدید خطرہ بن چکی ہے، انہوں نے شہریوں کو ہدایت کی ہے کہ وہ غیر ضروری سفر سے گریز کریں، ماسک کا استعمال یقینی بنائیں اور صبح کے اوقات میں کھلی فضا میں سرگرمیوں سے پرہیز کریں۔