لاہور: رواں سال مبینہ پولیس مقابلوں کے 66 مقدمات درج ہوئے

11-09-2025

(لاہور نیوز) شہر لاہور میں مبینہ پولیس مقابلوں اور زیر حراست ملزموں کے فرار ہونے کا سلسلہ جاری، رواں سال شہر کے مختلف تھانوں میں مبینہ پولیس مقابلوں کے 66 مقدمات درج ہوئے۔

زیر حراست ملزموں کے فرار ہونے پر مختلف تھانوں میں 10 مقدمات کا اندراج کیا گیا، مبینہ پولیس مقابلوں میں صدر اور ماڈل ٹاؤن ڈویژن 15، 15 مقدمات کے ساتھ سر فہرست رہے، کینٹ ڈویژن میں 14، سٹی ڈویژن میں مبینہ پولیس مقابلوں کے 10 مقدمات درج کئے گئے، سول لائنز اور اقبال ٹاؤن ڈویژن میں رواں سال کے دوران 6، 6 مبینہ پولیس مقابلے ہوئے۔ زیر حراست ملزموں کی فراری میں اقبال ٹاؤن ڈویژن 4 مقدمات کے ساتھ سر فہرست رہا،سٹی ڈویژن سے 3، سول لائنز ڈویژن سے 2 زیر حراست ملزمان فرار ہوئے جبکہ ماڈل ٹاؤن ڈویژن میں رواں سال کے دوران زیر حراست ملزم کی فراری کا ایک مقدمہ درج ہوا۔