ڈینگی کے وار، پنجاب بھر میں 60 نئے کنفرم مریض رپورٹ

11-09-2025

(لاہور نیوز) صوبائی دارالحکومت سمیت پنجاب بھر میں ڈینگی مچھروں کی افزائش میں اضافہ، ڈینگی بخار کے مریضوں کی تعداد بڑھنے لگی۔

لاہور سمیت پنجاب بھر میں گذشتہ چوبیس گھنٹوں میں نئے 60 کنفرم مریض رپورٹ ہوئے ہیں جس کے بعد پنجاب میں ڈینگی کے کنفرم مریضوں کی تعداد  3470تک پہنچ گئی ہے۔ گزشتہ چوبیس گھنٹوں میں لاہور میں ڈینگی کے 4مریض رپورٹ ہوئے ہیں اور شہر میں ڈینگی کے کنفرم مریضوں کی تعداد 626تک پہنچ گئی ہے۔ حکام کا کہنا ہے کہ ڈینگی مچھروں کی افزائش روکنے کیلئے انسدادی اقدامات تیز کر دیئے گئے ہیں، گھروں، دفاتر اور گلی محلوں میں صفائی اور مچھر مار سپرے کی مہم جاری ہے، شہریوں سے اپیل کی گئی ہے کہ گھروں میں پانی جمع نہ ہونے دیں اور احتیاطی تدابیر پر عمل کریں۔