چیف منسٹرآئی ٹی انٹرن شپ پروگرام شروع،50 ہزار روپے وظیفہ دیا جائیگا

11-08-2025

(لاہور نیوز) پنجاب میں چیف منسٹر آئی ٹی انٹرن شپ پروگرام کا آغاز ہو گیا۔

چیف منسٹر آئی ٹی انٹرن شپ پروگرام کے تحت پانچ ماہ کی انٹرن شپ کے دوران 50 ہزار روپے وظیفہ دیا جائے گا۔ آئی ٹی اور کمپیوٹر سائنس گریجویٹس کے  معروف سافٹ ویئر ہاؤسز میں انٹرن شپ کا شاندار موقع فراہم کیا جائے گا۔ آئی ٹی گریجویٹس مارکیٹ کے مطابق سکلز اور ٹیکنالوجی میں ٹریننگ حاصل کر سکیں گے۔ آئی ٹی کمپنیز میں انٹرن شپ سے پروفیشنل اور ایکسپرٹ ماہرین سے استفادہ کرنے کا نادر موقع بھی ملے گا۔ چار سال میں ڈگری مکمل کرنے والے پنجاب کے رہائشی آئی ٹی گریجویٹ آن لائن اپلائی کر سکتے ہیں۔cmitinterns.punjab.gov.pk پر طلبہ آن لائن اپلائی کر سکتے ہیں۔ وزیراعلیٰ مریم نواز شریف کا کہنا ہے کہ پنجاب کو آئی ٹی کا حب بنا کر ترقی کی نئی راہوں پر گامزن کررہے ہیں،نواز شریف آئی ٹی سٹی گیم چینجر منصوبہ ثابت ہوگا۔