نادرا کے تمام دفاتر یومِ اقبال کے موقع پر 9 نومبر کو بند رہیں گے

11-08-2025

(ویب ڈیسک) نادرا نے اعلان کیا ہے کہ اس کے تمام دفاتر 9 نومبر 2025 کو یومِ اقبال کی مناسبت سے بند رہیں گے۔

سرکاری اعلامیے کے مطابق نادرا کے تمام دفاتر پورے دن کیلئے بند رہیں گے اور معمول کے مطابق پیر 10 نومبر 2025 سے اپنی سرگرمیاں دوبارہ شروع کریں گے۔ ادارے کے بیان میں یہ بھی کہا گیا ہے کہ نادرا کی رات کی شفٹ جو 8 اور 9 نومبر کی درمیانی رات سے صبح 8 بجے تک جاری رہتی ہے، بھی بند رہے گی اور یہ خدمات 10 نومبر کی صبح 8 بجے بحال ہوں گی۔ تاہم تعطیل کے دوران شہری نادرا کی آن لائن خدمات اور “Pak ID” موبائل ایپ کے ذریعے شناختی کارڈ سے متعلق درخواستیں اور دیگر ڈیجیٹل سہولیات استعمال کر سکیں گے۔