اعظم خان نے بابراعظم کے حق میں آواز اٹھا دی

11-07-2025

(ویب ڈیسک) قومی کرکٹر اعظم خان نے کہا ہےکہ کچھ سابق کھلاڑیوں سے بابراعظم کی کامیابی اور شہرت ہضم نہیں ہوتی۔

رپورٹ کے مطابق اپنے ایک انٹرویو میں اعظم خان کا کہنا تھا کہ بابر ہمارے ملک کے ایک بہت بڑے کرکٹر ہیں، ہمارے لوگ ان کی قدر نہیں کرتے، ہمارے پاس گزشتہ  10 برسوں کے دوران  سامنے آنے والے واحد ٹیلنٹڈ بیٹر بابر ہیں، ان کے آنے سے پہلے پاکستان کرکٹ صرف فاسٹ بولنگ کی وجہ سے مشہور تھی لیکن  بابر  نے پاکستان کرکٹ کو اپنی بیٹنگ کی وجہ سے مشہور کردیا ‘۔ انہوں نے کہا کہ’جب  بھارت میں ویرات کوہلی نے اپنی کرکٹ کا  آغاز کیا تو ان کے ارد گرد وی وی ایس لکشمن، سچن ٹنڈولکر، سہواگ اور دھونی جیسے لیجنڈز تھے لیکن بابراعظم کے پاس کون تھا؟ کوئی بھی نہیں‘۔