وہاب ریاض پاکستان ویمنز کرکٹ ٹیم کے کنسلٹنٹ مقرر

11-07-2025

(لاہورنیوز) سابق ٹیسٹ کرکٹر وہاب ریاض کو پاکستان ویمن کرکٹ ٹیم کا کنسلٹنٹ مقرر کردیا گیا۔

ذرائع کے مطابق وہاب ریاض چند ہفتوں سے پاکستان ویمنز کرکٹ ڈیپارٹمنٹ کے ساتھ منسلک تھے اور اب انہیں قومی ویمنز ٹیم کا کنسلٹنٹ مقرر کردیا گیا ہے۔ ذرائع کا کہنا ہے کہ وہاب ریاض وقتی طور پرپاکستان ویمنز کرکٹ ٹیم کے معاملات دیکھیں گے اور وہ ڈائریکٹر ویمنز کرکٹ کے ساتھ مل کر مستقبل کے پلانز ترتیب دے رہے ہیں۔ دوسری جانب ذرائع کا بتانا ہے کہ پاکستان ویمنز ٹیم کے سپورٹ سٹاف میں بھی تبدیلیاں کی جا رہی ہیں اور سابق ٹیسٹ کرکٹر عمران فرحت کو بھی ویمنز ٹیم کے سپورٹ سٹاف میں شامل کیے جانے کا امکان ہے۔ ذرئع کے مطابق پی سی بی جلد پاکستان ویمنز ٹیم کے ہیڈ کوچ اور سپورٹ سٹاف کا اعلان کرے گا۔خیال رہےکہ محمد وسیم کے عہدے کی مدت ختم ہونے کے بعد ویمنز ہیڈ کوچ کا عہدہ خالی ہے۔