پرانی تاریخی عمارات کے استعمال کا گزٹ نوٹیفکیشن جاری

11-07-2025

(ویب ڈیسک) محکمہ قانون نے پرانی تاریخی عمارتوں کے استعمال سے متعلق باقاعدہ گزٹ نوٹیفکیشن جاری کر دیا ہے۔

اس کے تحت شاہی قلعہ، مینار پاکستان اور شالا مار باغ کے استعمال کے رولز طے کر دیئے گئے ہیں۔ نوٹیفکیشن کے مطابق یہ عمارتیں آرکیالوجی ڈیپارٹمنٹ سے والڈ سٹی اتھارٹی کے حوالے کر دی گئی ہیں اور ان کے استعمال، سیاحوں کے داخلے اور پروگرامز کے انعقاد کی ذمہ داری والڈ سٹی اتھارٹی کی ہو گی، عمارتوں کی خوبصورتی اور تجاویز کا حتمی فیصلہ بھی والڈ سٹی اتھارٹی کرے گی۔ طلبہ اور مطالعاتی دورے پر آنے والے افراد کیلئے رعایتی ٹکٹ فراہم کئے جائیں گے جبکہ داخلے کی ٹکٹ کی قیمت کا تعین بھی والڈ سٹی اتھارٹی کرے گی۔