یوٹیوبر ڈکی بھائی کے مقدمہ میں مبینہ رشوت لینے والے افسران نے استعفے دیدیئے

11-06-2025

(لاہور نیوز) یوٹیوبر ڈکی بھائی کے مقدمے میں مبینہ رشوت لینے کے الزام میں نیشنل سائبر کرائم انویسٹی گیشن ایجنسی (NCCIA) کے سات افسران نے استعفے دے دیے۔

ذرائع کے مطابق ڈی جی این سی سی آئی اے نے یہ استعفے وزارتِ داخلہ کو ارسال کر دیے ہیں، جن کی منظوری وزارت داخلہ دے گی۔ ذرائع کے مطابق آٹھ افسران کے خلاف کرپشن اور بدعنوانی کا مقدمہ درج کیا گیا تھا، استعفیٰ دینے والوں میں ایڈیشنل ڈائریکٹر سرفراز چوہدری، ڈی ڈی زوار احمد، اے ڈی مجتبیٰ ظفر، شعیب ریاض، محمد عثمان، سب انسپکٹر یاسر رمضان اور علی رضا شامل ہیں۔ رپورٹس کے مطابق ڈی ڈی ایاز خان تاحال مفرور ہیں، افسران پر الزام ہے کہ انہوں  نے یوٹیوبر ڈکی بھائی کے مقدمے میں مبینہ طور پر رشوت لی اور اختیارات کا ناجائز استعمال کیا۔