مینوئل انکم ٹیکس فائلرز کیلئے خصوصی سہولت کا اعلان

11-06-2025

(ویب ڈیسک) ایف بی آر نے آن لائن ریٹرن فائلنگ کے فروغ کیلئے مینوئل انکم ٹیکس فائلرز کیلئے خصوصی سہولت کا اعلان کر دیا۔

فیڈرل بورڈ آف ریونیو (ایف بی آر) نے ٹیکس سسٹم کی مکمل ڈیجیٹلائزیشن کے تحت خصوصی سہولتوں کا اعلان کیا ہے، ٹیکس دفاتر میں خصوصی سیل ٹیکس دہندگان کو ضروری معاونت فراہم کریں گے۔ ایف بی آر حکام کے مطابق مینوئل ٹیکس دہندگان رجسٹریشن، آن لائن ریٹرن فائلنگ میں معاونت کیلئے متعلقہ دفاتر سے رجوع کریں، حکام  نے بتایا کہ کسی مینوئل ٹیکس دہندہ کو قانونی مدد کی ضرورت ہو تو فیلڈ دفاتر مفت سہولت فراہم کریں گے، اس کے علاوہ ایف بی آر  نے مینوئل ٹیکس فائلرز کیلئے ریٹرن فائلنگ کی آخری تاریخ میں 30 نومبر تک توسیع بھی کر دی ہے۔ فیڈرل بورڈ آف ریونیو حکام کا کہنا ہے کہ پاکستان میں مکمل ڈیجیٹلائزڈ، شفاف، موثر ٹیکس سسٹم کو فروغ دینے کیلئے پرعزم ہیں۔