لاہور: چوری و ڈکیتی کی وارداتوں میں ملوث 7 ملزمان گرفتار

11-05-2025

(لاہور نیوز) لاہور میں عادی مجرمان کیخلاف سپیشل آپریشن جاری، پولیس نے مطلوب سنیچنگ، ڈکیتی و چوری کے 7 عادی ملزمان کو گرفتار کر لیا۔

ترجمان ڈولفن کے مطابق ڈولفن سکواڈ نے اچھرہ، گلبرگ، سبزہ زار و دیگر جگہوں سے 7 مشکوک افرادکو راؤنڈاپ کیا، مشکوک افرادکریمنل ریکارڈ کے مطابق عادی ملزم نکلے۔ پولیس کا کہنا ہے کہ ملزمان سنگین جرائم میں ملوث، مختلف گروہوں کے سرغنہ ہیں، ملزمان سلمان 49، عثمان 14، اشفاق 12، شاہد 6 مقدمات جبکہ کاشف 12، عباس 14،یونس 15 سے زائد مقدمات میں مطلوب تھے۔ ملزمان قانونی کارروائی کیلئے تھانہ اچھرہ، گلبرگ، سبزہ زار و دیگر تھانوں کے حوالے کر دیئے گئے ہیں۔