لاہور کے سرکاری سکولوں کیلئے 11 کروڑ 27 لاکھ روپے کے فنڈز جاری

11-05-2025

(لاہور نیوز) لاہور کے سرکاری سکولوں کیلئے 11 کروڑ 27 لاکھ روپے کے فنڈز جاری کر دیئے گئے۔

محکمہ خزانہ کی جانب سے یہ فنڈز نان سیلری بجٹ کی مد میں فراہم کئے گئے ہیں اور پہلی سہ ماہی یعنی جولائی، اگست اور ستمبر کی قسط کی شکل میں جاری کئے گئے ہیں۔ ان فنڈز کو سکولوں کی تعمیر و مرمت، ویلفیئر اور عارضی اساتذہ و ملازمین کے معاوضے کیلئے استعمال کیا جا سکے گا، محکمہ سکول ایجوکیشن کے مطابق دوسری سہ ماہی کی قسط بھی دسمبر تک جاری کر دی جائے گی۔