شاہدرہ ٹاؤن پولیس کی کارروائی، شراب و منشیات سپلائی کرنے والا ملزم گرفتار

11-05-2025

(لاہور نیوز) شاہدرہ ٹاؤن پولیس نے دورانِ پٹرولنگ خفیہ اطلاع پر کارروائی کرتے ہوئے شراب کی سپلائی لیکر جانے والے ملزم کو گرفتار کر لیا۔

پولیس کے مطابق گرفتار ملزم کے قبضے سے مختلف برانڈ کی 320 بوتلیں شراب، کوکین اور چرس برآمد کی گئی۔ ترجمان پولیس کا کہنا ہے کہ ملزم لاہور کے مختلف علاقوں میں شراب کی سپلائی کرتا تھا، مزید تلاشی کے دوران ملزم کے قبضے سے خالی شراب کی بوتلیں بھی برآمد ہوئیں۔ پولیس  نے ملزم سلیم کے خلاف مقدمہ درج کر کے مزید تفتیش شروع کر دی ہے۔ ڈی ایس پی غلام دستگیر کے مطابق شہر میں منشیات فروشوں کے خلاف کارروائیاں جاری رہیں گی۔