خدیجہ شاہ سمیت 4 ملزمان کو اشتہاری قرار دینے کی کارروائی شروع

11-04-2025

(لاہور نیوز) انسداد دہشت گردی عدالت نے خدیجہ شاہ سمیت 4 ملزموں کیخلاف اشتہاری قرار دینے کی کارروائی شروع کر دی۔

انسداد دہشتگردی عدالت کے ایڈمن جج منظر علی گل نے نو مئی کے مقدمہ کی سماعت کی، دوران سماعت غیر حاضر خدیجہ شاہ سمیت چار ملزموں کو عدالت نے اشتہاری قرار دیتے ہوئے اشتہار شائع  کرنے کا حکم دے دیا۔ ملزمان عسکری ٹاور حملہ کیس میں ٹرائل کیلیے پیش نہیں ہو رہے تھے، روپوش ملزموں  میں خدیجہ شاہ ٫حمزہ سہیل، عثمان اسلم اور احمد مرسلین شامل ہیں۔ عدالت نے حکم دیا کہ پولیس اشتہار شا ئع کر کے یکم دسمبر تک رپورٹ پیش کرے، یکم دسمبر تک ملزم پیش نہ ہونے تو اشتہاری قرار دے دیا جائے گا۔ سرکاری وکیل کا کہنا تھا کہ عسکری ٹاور حملہ میں اشتہار جاری ہوا ہے، خدیجہ شاہ نو مئی کے ایک مقدمہ میں  سزا کے بعد روپوش ہو چکی ہے۔ ملزمہ خدیجہ شاہ سمیت دیگر گرفتاری کے ڈر سے پیش نہیں ہو رہے، ملزموں کو پیش ہونے کی مہلت دی گئی مگر پیش نہ ہوئے جبکہ ملزمان وارنٹ گرفتاری جاری ہونے بعد بھی پیش نہیں ہوئے۔