ملک بھر میں فی تولہ سونا 3500 روپے سستا، چاندی کی قیمت بھی کم

11-04-2025

(لاہور نیوز) ملک بھر میں سونے کی قیمت میں بڑی کمی واقع ہوئی ہے، فی تولہ سونا کئی ہزار روپے سستا ہو گیا۔

آل پاکستان صرافہ جیمز اینڈ جیولرز ایسوسی ایشن کے مطابق آج صرافہ مارکیٹ میں 24 قیراط کا فی تولہ سونا 3500 روپے کی کمی سے 4 لاکھ 20 ہزار 362 روپے پر آ گیا، اسی طرح  24 قیراط کے 10 گرام سونے کی قیمت 3 ہزار ایک روپے کم ہو کر 3 لاکھ 60 ہزار 392 روپے ہو گئی۔ عالمی مارکیٹ میں 35 ڈالر کی کمی سے فی اونس سونا 3980 ڈالر پر آ گیا ہے۔ دوسری جانب فی تولہ چاندی 130 روپے کی کمی سے 5 ہزار 22 روپے کی ہو گئی جبکہ 10 گرام چاندی 112 روپے کی کمی سے 4 ہزار 305 روپے کی ہو گئی، عالمی مارکیٹ میں بھی فی اونس چاندی 47.60 ڈالر ہو گئی۔