لاہور ہائیکورٹ: 69 لاکھ روپے کے چیک باؤنس کیس میں سزا یافتہ ملزم بری

11-04-2025

(لاہور نیوز) لاہور ہائیکورٹ نے 69 لاکھ روپے کے چیک باؤنس کیس میں سزا پانے والے ملزم شمیم اسلم کو بری کر دیا۔

جسٹس صداقت علی خان  نے ملزم کی نظرثانی اپیل منظور کرتے ہوئے ٹرائل کورٹ کی جانب سے دی گئی تین سال قید اور 20 ہزار روپے جرمانے کی سزا کو کالعدم قرار دے دیا۔ فیصلے میں کہا گیا کہ چیک باؤنس کا مقدمہ ایک سال سے زائد تاخیر سے درج کیا گیا اور تاخیر کی کوئی معقول وجہ پیش نہیں کی گئی، مدعی مقدمہ نے رقم کی وصولی کیلئے کوئی سول دعویٰ بھی دائر نہیں کیا۔ عدالت نے اپنے فیصلے میں لکھا کہ اگر رقم واقعی واجب الادا ہوتی تو مدعی سول عدالت سے رجوع کرتا، اس بنا پر فوجداری کارروائی میں بدنیتی ثابت نہیں ہوئی۔ فیصلے میں مزید کہا گیا کہ شک کا فائدہ ملزم کا بنیادی حق ہے، اسی بنیاد پر عدالت نے شمیم اسلم کو بری کر دیا۔