ایم بی بی ایس اور بی ڈی ایس کیلئے65 فیصد پاسنگ مارکس کی شرط واپس

11-04-2025

(لاہور نیوز) پاکستان میڈیکل اینڈ ڈینٹل کونسل (پی ایم ڈی سی) نے ایم بی بی ایس اور بی ڈی ایس کے لیے65 فیصد پاسنگ مارکس کی شرط واپس لے لی۔

پی ایم ڈی سی نے ایم بی بی ایس اور بی ڈی ایس کے لیے 65 فیصد پاسنگ مارکس کی شرط واپسی کا نوٹی فکیشن جاری کر دیا۔ نوٹیفکیشن کے مطابق 2024-25 سیشن کے لیے  پاسنگ مارکس 50 فیصد سے بڑھا کر 65 فیصد کیے گیے تھے۔  نوٹیفکیشن میں کہا گیا کہ ایم بی بی ایس اور بی ڈی ایس کے لیے65 فیصد پاسنگ مارکس کی شرط واپس لے لی گئی ہے اور 2024-2025 سیشن کے لیے پاسنگ مارکس 50 فیصد کر دیے گئے ہیں۔ نوٹیفکیشن کے مطابق ایم بی بی ایس اور بی ڈی ایس طلبا کے لیے 85 فیصد حاضری کی شرط بھی ختم کردی گئی اور 2024-2025 سیشن کے لیے 75فیصد حاضری کی شرط بحال ہوگئی ہے۔ پاکستان میڈیکل اینڈ ڈینٹل کونسل نے تمام میڈیکل یونیوسٹیوں کو نوٹیفکیشن پر عملدرآمد کی ہدایت کر دی۔