27 ویں ترمیم کے بعد بلاول کے پاس وزیر اعظم بننے کا بہترین موقع ہے: فیصل واوڈا

11-03-2025

(لاہور نیوز)سینئر سیاسی رہنما و سینیٹرفیصل واوڈا نے کہا ہے کہ 27 ویں ترمیم کے بعد بلاول بھٹو زرداری کے پاس وزیراعظم بننے کا بہترین موقع ہے۔

دنیا نیوزکے پروگرام’’دنیا مہر بخاری کے ساتھ‘‘میں گفتگو کرتے ہوئے فیصل واوڈا کا کہنا تھا کہ میں نے پہلے ہی کہا تھا کہ 27ویں ترمیم آئے گی، جو آنے کے بعد آسانی سے پاس بھی ہو جائے گی۔ اُنہوں نے کہا کہ پارلیمنٹرینز کا کام ہی قانون سازی کرنا ہے، اگر 77 سال کی عمر میں سیاست دان کام کر سکتا ہے تو ججز، پولیس، فوج میں کیوں نہیں، پاکستان کی ضرورت کے حساب سے اُنہیں بھی کام کرنا چاہیے۔ سینئر سیاسی رہنما کا کہنا تھا کہ 27ویں ترمیم کے بعد 26ویں ترمیم کیخلاف درخواستیں غیر متعلقہ ہو جائیں گی، آئینی عدالت ملک کی ضرورت ہے۔ فیصل واوڈا کا مزید کہنا تھا کہ آصف زرداری سیاسی چال کے بڑے کھلاڑی ہیں، بلاول بھٹو زرداری کے پاس وزیراعظم بننے کا یہ بہترین موقع ہے، سکیورٹی کے معاملات کو بھی وفاق کو دیکھنا چاہیے اور ملک بھر میں ایجوکیشن کا ایک نظام ہونا چاہیے۔