پنجاب سیف سٹی اتھارٹیز کا بڑا اقدام، شہریوں کے ڈپلیکیٹ چالان کا مسئلہ حل

11-03-2025

(لاہور نیوز) پنجاب سیف سٹی اتھارٹی نے شہریوں کے لیے گھر بیٹھے غلط یا ڈپلیکیٹ چالان منسوخ کروانے کا آسان طریقہ فراہم کر دیا ہے۔

شہری اکثر اس مسئلے کا سامنا کرتے ہیں کہ کسی تکنیکی خرابی یا سسٹم کی غلطی کے باعث ایک ہی خلاف ورزی کا چالان دو بار موصول ہو جاتا ہے، اگر آپ کو ایک ہی ٹریفک چالان دو بار موصول ہوا ہے تو اب فکر کرنے کی کوئی ضرورت نہیں۔ اب آپ بغیر کسی دفتر گئے یا قطار میں لگے، اپنے موبائل یا کمپیوٹر کے ذریعے یہ مسئلہ حل کر سکتے ہیں۔ ای چالان پورٹل پر جا کر درج ذیل آسان اقدامات مکمل کریں: 1.    پورٹل کی ویب سائٹ پر جائیں۔ 2.    اپنی گاڑی کا نمبر اور قومی شناختی کارڈ نمبر درج کریں۔ 3.    "ریویو" (Review) کے آپشن پر کلک کریں۔ 4.    اپنی شکایت کی تفصیل لکھیں، مثلاً "ایک ہی تاریخ اور وقت کا چالان دو بار موصول ہوا ہے۔"