شیخ رشید کی بیرون ملک جانے کی درخواست منظور

10-31-2025

(لاہور نیوز) لاہور ہائی کورٹ راولپنڈی بنچ نے سابق وفاقی وزیر شیخ رشید احمد کی بیرون ملک جانے کی درخواست منظور کر لی۔

دوران سماعت شیخ رشید  کےوکیل نے دلائل دیئے کہ شیخ رشید کا نام پی این آئی ایل اور پاسپورٹ کنٹرول لسٹ میں ڈال دیا گیا ہے، ایف آئی اے کے وکیل نے کہا کہ شیخ رشید کا نام انسداد دہشت گردی عدالت کے حکم پر پاسپورٹ کنٹرول میں ڈالا ہے۔ جج نے ریمارکس دیئے کہ شیخ رشید کو عمرے پر جانے دیں، وہ دعا کریں گے تو ملک کے حالات اچھے ہوجائیں گے۔ بعدازاں لاہور ہائی کورٹ کے جسٹس صداقت علی خان نے شیخ رشید کو بیرون ملک جانے کی اجازت دیتے ہوئے ان کی درخواست نمٹا دی۔