لیسکو میں اے ایم آئی سمارٹ میٹرز کی خریداری میں بے ضابطگیوں کا انکشاف

10-31-2025

(ویب ڈیسک) لیسکو میں اے ایم آئی سمارٹ میٹرز کی خریداری میں بے ضابطگیوں کا انکشاف ہوا ہے۔

آڈٹ آفیسر  نے لیسکو چیف سے خریداری کے عمل کا ریکارڈ طلب کر کے چھان بین شروع کر دی۔ لیسکو میں پانچ ارب روپے کی لاگت سے میٹرز خریداری میں بے ضابطگیوں کی نشاندہی کی گئی ہے، کمپنی نے تین لاکھ پینتالیس ہزار سنگل فیز سمارٹ میٹرز کی خریداری کا عمل مکمل کیا تھا جس میں بے ضابطگیوں کی نشاندہی اور من پسند کمپنیز کو نوازنے کے الزامات لگائے گئے ہیں۔ آڈٹ آفیسر  نے سنگل فیز سمارٹ میٹرز کی خریداری کے عمل کی چھان بین شروع کر تے ہوئے آڈٹ ٹینڈر کی تمام دستاویزات کا ریکارڈ طلب کر لیا ہے۔ ٹینڈر حاصل کرنے والی کمپنیوں کی جانب سے جمع ہونیوالی دستاویزات بھی مانگ لی گئی ہیں، اس کے علاوہ پرچیز آرڈر سمیت دیگر تمام عوامل کا ریکارڈ بھی طلب کر لیا گیا ہے۔