ریلوے کوارٹرز : غیر قانونی الاٹمنٹ میں ملوث مزید 4 ریلوے ملازمین گرفتار

10-30-2025

(لاہور نیوز) ریلوے کوارٹرز کی غیرقانونی الاٹمنٹ پر 10 کروڑ روپے کی رشوت کے معاملہ میں اہم پیشرفت، کوارٹرز اور کوٹھیوں کی الاٹمنٹ میں ملوث 4 ریلوے ملازم گرفتار کر لئے۔

مبینہ طورپر10کروڑروپےرشوت لےکرکوارٹرزاورکوٹھیوں کی الاٹمنٹ کی گئی، گرفتار ملزمان میں وقاص،محمد ضیغم،محمد نذر اور ذیشان شاہد شامل ہیں جبکہ دیگر ملزموں  کی گرفتاری کے لیے ریلوے پولیس کے چھاپے جاری ہیں، فراڈ میں ریلوے کے 19 ملازمین کے ملوث ہونے کا انکشاف ہوا۔ ڈی جی ویجیلنس ریلوے نے اس بارےاپنی رپورٹ بنا کر چیئرمین ریلوے کو ارسال کی تھی، فراڈمیں  ملوث ملازمین میں غلام تبسم، توقیر حسین، رفاقت، احسان عارف، کلیم، راشدرشید، زاہد، حافظ شفیق ایاز اوردیگر شامل ہیں۔ ذرائع کے مطابق کوارٹرزکی غیر قانونی الاٹمنٹ میں ریلوے کےبعض افسروں کےنام بھی سامنے آنے کی توقع ہے۔