پنجاب: ایک لاکھ 6 ہزار 603 اشتہاری، 46 ہزار 677 عدالتی مفرور گرفتار

10-29-2025

(لاہور نیوز) پنجاب پولیس نے اشتہاری مجرموں اور عدالتی مفروروں کیخلاف کریک ڈاؤن شروع کر دیا۔

پولیس ریکارڈ کے مطابق 9 ماہ میں ایک لاکھ 6 ہزار 603 اشتہاری مجرم، 46 ہزار 677 عدالتی مفرور گرفتار کر لئے، گرفتار اشتہاری قتل، اقدام قتل، ڈکیتی، چوری سمیت دیگر مقدمات میں مطلوب تھے۔ لاہور ریجن سے 25 ہزار 403 اشتہاری ، 18 ہزار 381 عدالتی مفرور گرفتار کیے شیخوپورہ ریجن سے 4782 اشتہاری ، 228 عدالتی مفروران گرفت میں آئے، گوجرانوالہ ریجن سے 15 ہزار 506 اشتہاری مجرمان، 6767 عدالتی مفرور پکڑے گئے، گجرات سے 9545 اشتہاری ، 784 عدالتی مفروران گرفتار ہوئے۔ راولپنڈی ریجن میں 4520 اشتہاری ، 4145 عدالتی مفرورپکڑے گئے، سرگودھا ریجن سے 9 ماہ کے دوران 6458 اشتہاری مجرم قانون کے شکنجے میں آئے، فیصل آباد 8659 اشتہاری مجرم، 5513 عدالتی مفروروں کو گرفتار کیا، ملتان ریجن سے 6459 اشتہاری ، 1405 عدالتی مفرور دھر لئے، ساہیوال ریجن سے 12 ہزار 582 اشتہاری ، 4650 عدالتی مفروروں کو گرفتار کیا گیا۔ ڈی جی خان ریجن سے 6666 اشتہاری مجرم، 2598 عدالتی مفرور گرفتار ہوئے جبکہ بہاولپور ریجن سے 6023 اشتہاری ، 2206 عدالتی مفرور پکڑے گئے۔