تعلیمی اداروں میں ہفتے کی چھٹی سے متعلق نیا نوٹیفکیشن زیرگردش

10-29-2025

(ویب ڈیسک) پنجاب کے تمام تعلیمی اداروں میں ہفتے کی چھٹی ہو گی یا نہیں اس حوالے سے سوشل میڈیا پر ایک نوٹیفکیشن گردش کر رہا ہے جس پر تاحال محکمہ سکول ایجوکیشن ڈیپارٹمنٹ کی جانب سے کوئی بیان سامنے نہیں آیا۔

سوشل میڈیا پر قیاس آرائیاں ہو رہی ہیں کہ یہ نوٹیفکیشن جعلی ہے، جاری نوٹیفکیشن میں کہا گیا کہ مجاز اتھارٹی کی منظوری کے بعد مطلع کیا جاتا ہے کہ پنجاب بھر کے تمام تعلیمی ادارے بشمول سکولز، کالجز اور یونیورسٹیز (پبلک اور پرائیویٹ) ہر ہفتہ کو طلبہ کیلئے بند رہیں گے۔ تاہم، تدریسی اور انتظامی عملہ متعلقہ اداروں کی طرف سے جاری کردہ شیڈول کے مطابق صرف متبادل ہفتہ کو چھٹی کرے گا۔