ون ڈش اور اوقات کار کی خلاف ورزی پر 9 شادی ہالز سیل

10-28-2025

(ویب ڈیسک) شادی ہالز میں ون ڈش اور اوقات کار کی خلاف ورزی پر 9 ہالز سیل کر دیئے گئے۔

پنجاب میرج فنکشنز ایکٹ 2016ء کی خلاف ورزیوں پر کریک ڈاؤن کیا گیا، ڈی سی لاہور کے حکم پر اسسٹنٹ کمشنرز کی ٹیمیں شادی تقریبات کی نائٹ مانیٹرنگ کیلئے متحرک و فعال ہیں۔ شادی ہالز میں ون ڈش اور اوقات کار کی 13 خلاف ورزیوں پر جرمانے عائد کئے گئے، تمام تحصیلوں کے اسسٹنٹ کمشنرز کی سربراہی میں ریونیو فیلڈ سٹاف اور پولیس ٹیموں کی مشترکہ کارروائیاں کی گئیں۔ تحصیل صدر میں فارم ہاؤس سمیت 3 ہالز رات گئے شادی کی تقریب پر سیل کر دیئے، تحصیل ماڈل ٹاؤن میں واپڈا ٹاؤن کے قریب 3 شادی ہالز کی انسپکشن کی، 2 میں سنگین خلاف ورزیاں پائی گئیں۔ تحصیل علامہ اقبال میں 2 شادی ہالز ون ڈش اور اوقات کار کی خلاف ورزی پر سیل کر دیئے گئے۔