60 آئی فون سمگلنگ کیس میں ملزم کو 6 سال قید کی سزا

10-24-2025

(لاہور نیوز) انسداد کسٹم جرائم کی خصوصی عدالت نے 3 کروڑ 14 لاکھ روپے مالیت کے 60 آئی فون سمگل کرنے کے کیس میں ملزم ظہور کو جرم ثابت ہونے پر 6 سال قید کی سزا سنا دی۔

عدالت نے فیصلہ سناتے ہوئے ملزم کی تمام منقولہ اور غیر منقولہ جائیداد بھی ضبط کرنے کا حکم دیا ہے جبکہ قبضے میں لیے گئے 60 پیک بند آئی فون بھی بحق سرکار ضبط کرنے کی ہدایت کی ہے۔ ملزم دبئی سے یہ قیمتی آئی فون پاکستان اسمگل کرتے ہوئے گزشتہ ماہ گرفتار ہوا تھا، سزا کے بعد ملزم کو کمرہ عدالت سے گرفتار کر کے جیل منتقل کر دیا گیا۔