قومی کرکٹر شان مسعود ڈائریکٹر انٹرنیشنل کرکٹ آپریشنز تعینات

10-24-2025

(لاہورنیوز) پاکستان کرکٹ بورڈ (پی سی بی) نے قومی کرکٹر شان مسعود کو ڈائریکٹر انٹرنیشنل کرکٹ آپریشنز مقرر کر دیا ہے۔

باوثوق ذرائع کے مطابق چیئرمین پی سی بی محسن نقوی نے یہ اعلان اسلام آباد میں ایک عشائیے کے دوران کیا۔ ذرائع نے بتایا کہ چیئرمین پی سی بی کی جانب سے جنوبی افریقہ اور پاکستان کی ٹیموں کے اعزاز میں عشائیے کا اہتمام کیا گیا تھا، جو اسلام آباد میں منعقد ہوا، وزیرِاعظم پاکستان میاں شہباز شریف نے بھی تقریب میں شرکت کی، جہاں ملکی اور غیر ملکی کھلاڑیوں سے ملاقاتیں بھی ہوئیں۔ دوسری جانب شان مسعود کی بطور ڈائریکٹر انٹرنیشنل کرکٹ آپریشنز تقرری کو پاکستان کرکٹ کے انتظامی ڈھانچے میں اہم پیش رفت قرار دیا جا رہا ہے۔