وزیر اعظم نے اسلام آباد میں شاہین چوک انڈر پاس منصوبے کا سنگ بنیاد رکھ دیا

10-24-2025

(لاہور نیوز) وزیر اعظم شہباز شریف نے شاہین چوک انڈرپاس منصوبے کا سنگ بنیاد رکھ دیا۔

وفاقی دارالحکومت میں شاہین چوک انڈرپاس منصوبے کے سنگ بنیاد کی تقریب سے خطاب کرتے ہوئے شہباز شریف کہنا تھا کہ اسلام آباد میں ٹریفک کا دباؤ کم کرنے کے لیے مختلف منصوبے شروع کیے جا رہے ہیں۔ اُنہوں نے وزیرداخلہ محسن نقوی، چیئرمین سی ڈی اے اور دیگر کو مبارکباد دیتے ہوئے کہا کہ ان کی ٹیم شبانہ روزمحنت کررہی ہے، اسلام آباد کو مزید خوبصورت بنایا جارہا ہے۔ وزیر اعظم کا کہنا تھا کہ ایس سی او کانفرنس کی تیاریوں سے متعلق ہوٹلز اور رہائشی منصوبے بھی ضروری ہیں، ترقیاتی منصوبے ملکی مفاد میں جلد مکمل کیے جائیں، تقریب کے آخر میں شہبازشریف نے مزید کہا کہ منصوبوں کی تکمیل کے لیے بھرپور تعاون کریں گے۔ قبل ازیں وزیر داخلہ محسن نقوی نے گفتگو کرتے ہوئے کہا کہ مارگلہ روڈ پر ٹریفک کا بہت مسئلہ تھا جبکہ ونتھ ایونیو پر بھی کام شروع کر رہے ہیں تاہم شاہین چوک انڈرپاس منصوبے کو بہترین طریقے سے ڈیزائن کیا گیا ہے۔