جمعتہ المبارک پر سکیورٹی ہائی الرٹ، آئی جی پنجاب کے احکامات جاری

10-24-2025

(لاہور نیوز) آئی جی پنجاب ڈاکٹر عثمان انور نے جمعتہ المبارک کے موقع پر لاہور سمیت صوبہ بھر میں سکیورٹی کے سخت انتظامات کرنے کے احکامات جاری کر دیئے۔

آئی جی پنجاب نے ہدایت کی کہ مساجد، امام بارگاہوں، مارکیٹوں اور حساس مقامات کی سکیورٹی ہر صورت یقینی بنائی جائے۔ انہوں نے کہا کہ شرپسند عناصر کی سرکوبی کیلئے سرچ، سویپ اور کومبنگ آپریشنز کو مزید مؤثر بنایا جائے جبکہ کاروباری مراکز اور عبادت گاہوں کے اطراف پٹرولنگ میں اضافہ کیا جائے۔ ڈاکٹر عثمان انور کا کہنا تھا کہ لا اینڈ آرڈر کا قیام، شہریوں کی جان و مال اور املاک کا تحفظ پولیس کی اولین ترجیح ہے۔ انہوں نے مزید ہدایت دی کہ سینئر افسران فیلڈ میں موجود رہیں اور سکیورٹی انتظامات کا خود جائزہ لیں۔ آئی جی پنجاب نے تمام افسران کو یہ بھی ہدایت دی کہ نماز جمعہ کے بعد مساجد میں شہریوں کے مسائل سننے کیلئے دستیاب رہیں تاکہ پولیس اور عوام کے درمیان رابطے کو مزید بہتر بنایا جا سکے۔