تکنیکی و آپریشنل وجوہات کے باعث چھ پروازیں منسوخ، مسافر پریشان

10-24-2025

(ویب ڈیسک) تکنیکی اور آپریشنل وجوہات کے باعث کراچی سے روانہ ہونے والی چھ پروازیں آج بھی منسوخ ہو گئیں۔

تکنیکی اور آپریشنل وجوہات کے باعث آج منسوخ ہونے والی پروازوں میں کراچی سے کوالالمپور  جانے والی پرواز ڈی سات 109 اور کراچی سے مسقط جانے والی عمان ایئر کی پرواز ڈبلیووائے 324 شامل ہیں۔ کراچی سے بیجنگ جانے والی ایئرچائنہ کی پرواز سی اے 946 اور کراچی سے اسلام آباد جانے والی ایئربلیو کی پرواز پی اے 206 بھی منسوخ ہو گئیں۔ اس کے علاوہ کراچی سے اسلام آباد جانے والی ایئرسال کی پرواز پی ایف 125 اور کراچی سے لاہور جانے والی ایئر سیال کی پرواز پی ایف 143بھی منسوخ ہونے والی پروازوں میں شامل ہیں۔