تھیٹر ہالز کو ڈراما اوقات کی پابندی کرنے کی ہدایت

10-24-2025

(ویب ڈیسک) شہر کے تمام تھیٹرز کو ڈراموں کے اوقات کار کی سختی سے پابندی کرنے کی ہدایت جاری کر دی گئی۔

انتظامیہ کی جانب سے کہا گیا ہے کہ تمام تھیٹر ہالز مقررہ ڈراما اوقات کے دوران اپنے سی سی ٹی وی کیمرے آن رکھیں تاکہ مکمل نگرانی کی جا سکے۔ ہدایت نامے میں واضح کیا گیا ہے کہ اگر کسی بھی تھیٹر میں قواعد و ضوابط کی خلاف ورزی پائی گئی تو متعلقہ تھیٹر کو فوری طور پر سیل کر دیا جائے گا۔ انتظامیہ کا کہنا ہے کہ ان اقدامات کا مقصد عوامی نظم و ضبط برقرار رکھنا اور تھیٹرز میں غیر اخلاقی یا غیر قانونی سرگرمیوں کی روک تھام کو یقینی بنانا ہے۔