گجرپورہ: شہری کو کچل کر فرار ہونے والا رکشہ ڈرائیور گرفتار

10-23-2025

(لاہور نیوز) گجر پورہ کے علاقہ میں پولیس نے شہری کو کچل کر فرار ہونے والے رکشہ ڈرائیور کو گرفتار کر لیا۔

ترجمان ڈولفن کے مطابق جی ٹی روڈ پر چنگچی رکشہ اور موٹر سائیکل کے درمیان تصادم ہوا جس کے نتیجے میں بائیک سوار شہری زخمی ہو گیا، دوران پٹرولنگ ڈولفن ٹیم ایکسیڈنٹ دیکھ کر موقع پر پہنچ گئی۔ ریسکیو ٹیم آنے سے پہلے ڈولفن ٹیم نے ممکنہ طور پر شہری کو طبی امداد دی، حادثہ پیش آنے سے شہری شکیل کی ٹانگ فریکچر ہو گئی، جس کے بعد زخمی کو فوری طور پر 1122 کے ذریعے ریسکیو کروایا گیا۔        حادثہ رکشہ ڈرائیور کی ریش ڈرائیونگ ، ون وے کی خلاف ورزی سے حادثہ پیش آیا۔ رکشہ ڈرائیور نے موقع سے فرار ہونے کی کوشش کی تاہم پٹرولنگ پر مامور ڈولفن ٹیم نے رکشہ ڈرائیور کو گرفتار کر لیا۔ گرفتار رکشہ ڈرائیور نواز کو کارروائی کیلئے تھانہ گجر پورہ کے حوالے کر دیا گیا۔