پنجاب حکومت کا ماحولیاتی تحفظ ایجنسی کی ازسرِنو تنظیم کا فیصلہ

10-20-2025

(لاہور نیوز) پنجاب حکومت نے ماحولیاتی تحفظ ایجنسی (ای پی اے) کی ازسرِنو تنظیم (ری اسٹرکچرنگ) کا فیصلہ کر لیا۔

 اس اقدام کا مقصد ادارے کی سروس ڈلیوری میں بہتری اور ماحولیاتی نظام کو مزید مؤثر اور مضبوط بنانا ہے، پنجاب کابینہ نے اجلاس میں ماحولیاتی مانیٹرنگ سینٹر کو ای پی اے میں ضم کرنے کی باضابطہ منظوری دے دی۔ حکومتی ترجمان کے مطابق دونوں اداروں کے انضمام سے ماحولیاتی نگرانی اور ڈیٹا کے بہتر استعمال کو یقینی بنایا جائے گا، مزید کہا گیا کہ اداروں کے انضمام کے لیے کسی اضافی مالی وسائل کی ضرورت نہیں ہوگی۔ یہ اقدام صوبے میں ماحولیاتی کارکردگی میں بہتری اور تحفظ کے نظام کو جدید خطوط پر استوار کرنے کے لیے ایک اہم پیش رفت ہے۔