مذہبی جماعت کے خلاف درج مقدمات کی تفتیش کیلئے خصوصی ٹیمیں تشکیل

10-20-2025

(لاہور نیوز) مذہبی جماعت کے خلاف درج مقدمات کی تفتیش کیلئے انویسٹی گیشن پولیس نے خصوصی ٹیمیں تشکیل دے دیں۔

مذہبی جماعت کے احتجاج اور توڑ پھوڑ کے معاملے میں اہم پیش رفت ہو گئی، حملوں کے معاملے پر اہم فیصلے کئے گئے ہیں۔ تفتیشی ٹیموں کی سربراہی ڈی آئی جی انویسٹی گیشن سید ذیشان رضا کرینگے، درج ہونے والے مقدمات کیلئے پراسیکیوشن کی بھی خصوصی ٹیمیں عدالتی کارروائی میں مدد کرینگی۔  ادھر شہر کے مختلف تھانوں میں اس واقعے کے 41 مقدمات درج کئے گئے ہیں جنکی تفتیش کا عمل شروع کر دیا گیا ہے، انویسٹی گیشن ہیڈکوارٹرز میں تمام ایس پی ایز سمیت مقدمات کے آئی اوز کی اہم میٹنگ ڈی آئی جی کی سربراہی میں ہوئی، میٹنگ میں انویسٹی گیشن آفیسرز کو مقدمات کے ملزمان کو گرفتار کر کے چالان فوری جمع کروانے کی بھی ہدایت کی گئی۔