رواں سال لاہور میں ریپ کے 481 جبکہ گینگ ریپ کے 31 مقدمات درج

10-19-2025

(لاہور نیوز) شہر میں زیادتی اور اجتماعی زیادتی کے واقعات میں کمی نہ آ سکی، رواں سال مختلف تھانوں میں زیادتی کے 481 جبکہ اجتماعی زیادتی کے 31 مقدمات درج ہوئے۔

شہر لاہور میں زیادتی کی وارداتوں میں صدر  اور ماڈل ٹاؤن ڈویژن 118، 118 مقدمات کے ساتھ سر فہرست رہا، پولیس ریکارڈ کے مطابق کینٹ ڈویژن زیادتی کی 106 وارداتوں کے ساتھ دوسرے نمبر پر رہا، اقبال ٹاؤن ڈویژن زیادتی کے 50 مقدمات کے ساتھ تیسرے نمبر پر رہا۔ سول لائنز ڈویژن میں 47، سٹی ڈویژن میں زیادتی کے 42 مقدمات کا اندراج کیا گیا، اجتماعی زیادتی کی وارداتوں میں صدر ڈویژن 10 مقدمات کے ساتھ سر فہرست رہا۔اجتماعی زیادتی کی 7 وارداتوں کے ساتھ کینٹ ڈویژن دوسرے نمبر پر رہا،اقبال ٹاؤن اور ماڈل ٹاؤن ڈویژن میں اجتماعی زیادتی کے 5، 5 مقدمات درج کئے گئے۔ سول لائنز ڈویژن میں 3 جبکہ سٹی ڈویژن میں اجتماعی زیادتی کا ایک واقعہ رپورٹ ہوا۔