غازی آباد: اشتہاری کی گرفتاری کے دوران فائرنگ ،تھانیدار اور کانسٹیبل زخمی، ملزم گرفتار

10-19-2025

(لاہور نیوز) صوبائی دارالحکومت کے علاقے غازی آباد میں اشتہاری کی گرفتاری کے دوران فائرنگ سے تھانیدار اور کانسٹیبل زخمی ہوگیا۔

پولیس کے مطابق انویسٹی گیشن ٹیم نے ملزم انصر لودھی خان بابا کی گرفتاری کے لیے چھاپہ مارا تو ملزم اور اُس کے ساتھیوں نے پولیس پارٹی پر فائرنگ کی، جس سے تھانیدار دلاور اور کانسٹیبل زخمی ہوگیا۔ واقعہ کی اطلاع ملنے پر پولیس کی مزید بھاری نفری جائے وقوعہ پر پہنچ گئی جنہوں نے علاقے کی ناکہ بندی کرکے اشتہاری انصر لودھی اور دو ساتھیوں کو گرفتار کرکے نامعلوم مقام پر منتقل کر دیا۔ دوسری جانب فائرنگ کے نتیجے میں زخمی ہونے والے اہلکاروں کو فوری طور پر علاج ومعالجہ کیلئے ہسپتال منتقل کردیا گیا، پولیس کا دعویٰ ہے کہ ملزم کے قبضے سے آتشیں اسلحہ بھی برآمد کر لیا گیا۔ ملزم انصر لودھی کے خلاف فراڈ سمیت مختلف مقدمات درج ہیں۔