2021ء سے لیکر ابتک ٹی ایل پی کے احتجاج کے دوران پنجاب پولیس کے 11 جوان شہید

10-18-2025

(لاہور نیوز) 2021ء سے لیکر اب تک ٹی ایل پی احتجاج کے دوران پنجاب پولیس کے 11 جوانوں نے جام شہادت نوش کیا۔

لاہور سمیت مختلف شہروں میں پرتشدد واقعات میں پولیس اہلکار نشانہ بنے، شہداء میں سب انسپکٹر شہزاد نواز، محمد ابوبکر، اور محمد ایوب شامل ہیں، خالد جاوید، شفقات علی، محمد عمران اور محمد افضل نے فرض کی راہ میں جان دی، غلام رسول ،عدنان، رزاق ،محمد اکبر نے بھی عوامی تحفظ کیلئے جان قربان کی۔ آئی جی پنجاب نے بتایاکہ پنجاب پولیس کے شہدا ءنے ملک میں امن و امان قائم رکھنے کے لئے جان نچھاور کی، تمام شہدا ءکو سرکاری اعزاز کے ساتھ دفن کیا گیا۔ آئی جی پنجاب کا مزید کہنا تھا کہ شہداء کے خون کا ہر قطرہ امن کی ضمانت ہے، ٹی ایل پی احتجاج کے دوران شہدا ءکی قربانی ہمیشہ یاد رکھی جائیں گی۔