پی سی بی نے شائقینِ کرکٹ کو بڑی خوشخبری سنا دی

10-17-2025

(لاہور نیوز) پاکستان کرکٹ بورڈ نے پاکستان اور جنوبی افریقہ کے درمیان دوسرے ٹیسٹ میچ کیلئے شائقینِ کرکٹ کو بڑی خوشخبری سنا دی۔

پی سی بی نے راولپنڈی کرکٹ سٹیڈیم کے تمام سٹینڈز میں داخلہ فری کرنے کا فیصلہ کر لیا،  پی سی بی کے فیصلے کا مقصد زیادہ سے زیادہ شائقین کو میدان میں لانا اور ٹیسٹ کرکٹ کے فروغ کو یقینی بنانا ہے۔ ذرائع کے مطابق دونوں ٹیمیں کل اسلام آباد کلب گراؤنڈ میں پریکٹس کریں گی جبکہ دوسرا ٹیسٹ میچ 20 اکتوبر سے راولپنڈی میں شروع ہو گا۔