ریاست کیخلاف ہتھیار اٹھانے والوں کیلئے کوئی معافی نہیں، محسن نقوی
10-17-2025
(لاہور نیوز) وزیر داخلہ محسن نقوی نے کہا ہے کہ کسی بےگناہ کے خلاف ہرگز کوئی کارروائی نہیں جائے گی، بے گناہ افراد کو رہا کیا جائے گا، کسی بھی مدرسے کو بند نہیں کیا جائے گا۔
بدمنی، انتشار اور انتہاپسندی پھیلانے والے عناصر سےآہنی ہاتھوں سے نمٹا جائے گا، ان خیالات کا اظہار محسن نقوی نے مذہبی سیاسی جماعت کے رہنما اویس نورانی سے ملاقات کے دوران کیا، ان کا مزید کہنا تھا کہ ریاست کے خلاف ہتھیار اٹھانے اور قانون کو ہاتھ میں لینے کی اجازت ہرگز نہیں دی جائے گی، بے امنی، انتشار اور انتہاپسندی پھیلانے والے عناصر سےآہنی ہاتھوں سے نمٹا جائے گا۔ جمیت علمائے پاکستان کے سیکرٹری جنرل اویس نورانی کی اس ملاقات میں مذہبی ہم آہنگی، رواداری اور قومی اتحاد پر تبادلہ خیال کیا گیا، ملاقات میں محسن نقوی نے واضح کیا کہ کسی بھی بےگناہ کے خلاف ہرگز کوئی کارروائی نہیں جائے گی اور بے گناہ افراد کو رہا کیا جائے گا، کسی بھی مدرسے کو بند نہیں کیا جائے گا اور شرپسندوں سےسختی سے نمٹا جائے گا۔ محسن نقوی نے کہا کہ " قائد اعظم کے پاکستان میں شرپسند عناصر اور انتہا پسندوں کی کوئی گنجائش نہیں۔" بدامنی، انتشار اور انتہاپسندی پھیلانے والے عناصر سے آہنی ہاتھوں سے نمٹا جائے گا۔ محسن نقوی نے کہا، مذہبی ہم آہنگی اور صبر وتحمل کے فروغ میں علمائے کرام کی قابل قدر خدمات ہیں، پائیدار امن اور رواداری کے فروغ کیلئے تمام طبقات کو بھر پور کردار ادا کرنا ہے۔ دینی تعلیم کا فروغ ہم سب کا مشترکہ فریضہ ہے۔ شاہ اویس نورانی کا کہنا تھا کہ پائیدار امن، رواداری اور بھائی چارے کے فروغ کیلئےہر ممکن تعاون کریں گے۔