رواں سال: لاہور میں مبینہ پولیس مقابلوں کے 65 مقدمات درج ہوئے

10-17-2025

(لاہور نیوز) رواں سال لاہور شہر کے مختلف تھانوں میں مبینہ پولیس مقابلوں کے 65 مقدمات درج ہوئے۔

پولیس ریکارڈ کے مطابق مبینہ پولیس مقابلوں میں صدر اور ماڈل ٹاؤن ڈویژن 15، 15 مقدمات کیساتھ سر فہرست ہیں۔ کینٹ ڈویژن 13، سٹی ڈویژن میں مبینہ پولیس مقابلوں کے 10 مقدمات درج کئے گئے، سول لائنز اور اقبال ٹاؤن ڈویژن میں رواں سال میں 6، 6 مبینہ پولیس مقابلے ہوئے۔ دوسری جانب ماڈل ٹاؤن ڈویژن سمیت دیگر جگہوں پر زیر حراست ملزم کی فراری کے مختلف تھانوں میں 10 مقدمات کا اندراج کیا گیا تاہم زیر حراست ملزموں کی فراری میں اقبال ٹاؤن ڈویژن 4 مقدمات کیساتھ سر فہرست رہا، سٹی ڈویژن 3، سول لائنز ڈویژن سے 2 زیر حراست ملزمان فرار ہوئے۔