مذہبی جماعت کیخلاف کریک ڈاؤن، مزید 600 سے زائد گرفتاریاں

10-17-2025

(ویب ڈیسک) مذہبی جماعت کے خلاف پولیس کا کریک ڈاؤن جاری ہے۔

پنجاب پولیس کے مطابق مذہبی جماعت کے خلاف کریک ڈاؤن کے دوران لاہور سے گرفتار ملزمان کی تعداد 624 ہو گئی ہے اور مختلف علاقوں میں کریک ڈاؤن اب بھی جاری ہے۔ پولیس حکام کا بتانا ہے کہ اس وقت تک پنجاب بھر سے 5100 ملزمان کی گرفتاریاں عمل میں لائی گئی ہیں۔ دوسری جانب انسداد دہشتگردی عدالت لاہور میں آج مذہبی جماعت کے 11 کارکنوں کو پیش کیا گیا۔ سماعت کے بعد عدالت نے مذہبی جماعت کے 11 کارکنوں کا 10 دن کا جسمانی ریمانڈ دے دیا۔ مذہبی جماعت کے کارکنوں کے خلاف تھانہ باغبان پورہ میں مقدمات درج ہیں۔